المنخل السحرى.

المنخل السحرى هو أكبر منخل عرفه التاريخ و فكرته ابسط مما يكون ,الشعب كله هيتحط فى المنخل و هو عليه انه ينتقى الناس : الفاسد يقع و الصالح يقعد ,اللى بيحب مصر يقعد و اللى عايز يخربها يقع.

(هتستغربوا ازاى المنخل هيعرف.. فيه sensors يا جماعة، ركزوا معايا ده أكبر منخل فى التاريخ مش تهريج يعنى)

طب لو فيه ,هل فكرت تقنعهم يتعالجوا فى فترة حملة حماية اللى بيقوم بيها الداعية عمرو خالد؟!

الحملة مدتها 5 أسابيع بدأت فى 9 مارس 2008 يعنى احنا دخلين على الأسبوع الرابع. الهدف اللى كانت راسماه الحملة هو الوصول لـ 5000 مدمن و علاجهم من الادمان تماما.و لكن الحملة لاقت صدى أجمد و أعمق من المتوقع,الدليل الأول و ليس الأخير هو عدد المدمنين دلوقتى و اللى وصل 4460, يعنى احتمال تحطيم الرقم المحدد كبيرة أوى.