My Living Wrestlers

كتب بواسطة: Mohamed Salah في . القسم archive 2009

كنت نايم انا فى سريرى وصحيت الصبح لقيت ايدين صغيره بتصحينى افتكرتها ايد مامى لكن لما فتحت عينى لقيت مفاجأه بتنادينى لقيت إن كل تماثيل ال wrestlers بتوعى ..زى ماهما صغيرين بيتحركوا وبيتكلموا وبيتنفسوا زينا يعنى بقوا عايشين .......... لقيت كيرت أنجل و باتيستا و جون سينا و جريت كالى والعشرة ال عندى اللى باقيين بقوا جنبى قاعدين على السرير ماصدقتش نفسى وفركت عينى علشان اقوم سألتهم قالوا من زمان كان نفسهم يصحوا ويتحركوا علشان يلعبوا معايا ويتنططوا وعلشان بيحبونى لأنى بحافظ عليهم من غير تكسير وبخليهم يلعبوا فريقين وبدل مايبقوا مركونين يلعبوا ضد بعض ويبقوا معايا مبسوطين سلمت عليهم واحد واحد بالراحه ودخلتهم علبة لعبى علشان ماحدش يشوفهم ورحت مدرستى وفضلت اصلى طول اليوم علشان يومى يخلص بدرى وارجع العب وياهم رجعت البيت ودخلت اطمن عليهم لقيتهم فرحانين وانا وسطيهم وقعدت فى اوضتى اتغدى والباب مقفول علينا وقطعت من اكلى حته علشان ياكلوا معايا و هما بيسألونى عن المدرسه وحمدت ربنا انهم كانوا صغيرين لو كانوا كبار كانوا حيملوا الأوضه ويدوسو عليا والأكل كمان كان مش حيقضى وانا بذاكر كانوا قاعدين على المكتب جنبى وقعدوا يسلونى بكام ماتش بينهم لكن قلت خلاص خلونى اركز فى الواجبات وبعد ما أخلص نلعب تانى سمعوا كلامى وقاموا ساعدونى كيرت انجل ملانى الإملا العربى وجون سينا صلح لى واجب الحساب اما كالى فقلبلى الصفحة وبكده طبعا خلصت بسرعة وبقيت فاضى علشان العب احلى لعب لعبته فى حياتى جبت الرينج بتاعتى و قسمتهم فريقين و بقيت انده على كل إتنين يقوموا على الرينج طالعين و يبتدى الماتش .. و انا أقعد مع الباقيين نصقف و نشجع، و أنا بقيت برضه ال Referee، بس أخدت بالى ما أخبطش على الرينج جامد و انا بعد 1 2 3 ... لحسن يطيروا بره الرينج من الخبطه زى ما حصل فى اول مره و طاروا بره. قعدت أعمل ماتشات تاج و رويال رمبل و لاست مان ستاندينج و حاجات كتيره قوى حتى إنى عملت حزام صغير من الورق علشان يلبسه اللى يكسب منهم ضحكت أوى و إنبسطت قوى قوى و هما كمان كانوا فرحانين و بيلعبوا و هما مبسوطين. و فى أخر ماتش قبل ما انام جريت كالى جاب جرس صغير كان عندى علشان يخليه يرن لما الجولة تخلص و كان الماتش بين جون سينا و بيج شو كان ماتش نار نار نار وإحنا بنتفرج جريت كالى قعد يرن الجرس ، يرن جامد جامد بإستمرار. قعدت أقوله إستنى لسه .. . بس حسيت بإيدين، المرة دى كبيرة بتهزنى قلت: إستنى يا جريت كالى، لقيت صوت بيقول لى: كالى مين انا مامى !! إصحى يا يوسف المنبة بيرن حتتأخر على المدرسة. نطيت من السرير و رحت ناحية ال Wrestlers لقيتهم مش بيتحركوا ولا يتكلموا معقولة كل ده كان حلم؟ بصيت لهم و سألتهم؟ ينفع أرجع من المدرسة ألاقى الحلم ده بقى حقيقه؟ طنط سناء فايد (فكرة: شريف رمزى)