نحن فى زمن الغول

كتب بواسطة: Mohamed Salah في . القسم archive 2009

إزاى هذا السافل الزنديق العاهر الداعر يستجرى يتجرأ على أسياده الوزرا و يطالبهم بالإستقالة علشان كام قطار طئشوا فى بعض. هذا النائب "الدزمة إبن الدزمة" فاكرها إيه سايبه .... إقاااااالة، أستغفر الغول، و و و ززز ييييييـ ررررر ... !!!! خسئت ثكلتك أمك يا مجاهد ... ده لازم الغول ينهشك و يفشخك و يسيبك فى ميدان التحرير حتى يبول عليك كل أفراد الشعب المصرى فى الرايحة و الجاية بمثاناتهم المفقوعة من ثقل حملها ... هذا هو جزاءك يا عميل الديمقراطية و جاسوس منظمة الثواب و العقاب القاعديه الفاشستيه الإرهابيه ... بسرعة وشك فى الحيط و قفاك ليا ... عفواً لكل غول يا معدوم البصر و البصيرة. إقالة يا مجاهد ... !!!! و رضيتها على نفسك و على عيالك و على ضميرك يا شيخ. إييييية "حد يقول للغول، وزيرك طلع بمبه" !!! مافيش تمييز ... مش شايف إن عدد ضحايا القطارات فى بلدنا ضمن النسبة العالمية المسموحة، و اللى أقرتها الأمم المشلحة حفاظاً على عدم إستنزاف موارد كوكبنا. إية يعنى كام ألف مدهوسين ولا محروقين بجاز وسخ حتى؟!!! مش دول الشعب يا نايبة الشعب إنت ... مش دول الشعب الواطى الحرامى اللى بيسرق الحنفيات من القطارات .... مش دول الشعب الهمجى اللى بيسطح مع إن القطار تحته فاضى و كمان مكيف ... !! إقالة يا مجاهد ... !!!! ما تعرفش إن المجلس فيه غوووووووول بيحافظ على مصالح وزرائه .... و إن الغول ده جعان و طفس و مش بيشبع ابداً من امثالك ياللى عامل فيها مجاهد إنت. ده الغول من اخلاقه إكتفى بسبك و نعتك بإن نصيبك فى الأدب أقل حفنة ... مع إن أخلاقه بالتأكيد تستطيع ان تاخد جنب و تسب لك 100 دين و ملة، او اقلها تسمح له يرفع عليك الجزمة ... مش رفعتها غيلان أخرى فى مواقف سابقة. بيبى يا سعيد ... عفواً إقالة يا مجاهد ... !!! لييييه يعنى، هو المنصور على مين يعاديه كان عمل إيه؟ هو اللى كان سايق القطار و لا هو اللى كان ساحب الجاموسه ... ما سمعتش عن الغنوة اللى بتقول جاموسة راحت تقابل جاموسة و ياعينى على الجواميس لما تتقابل يا عينى. يعنى الموضوع سداح مداح مع الجواميس يا مجاهد ... تخش وسطهم ليه؟ تعترض ليه؟ تتزرزر ليه؟ تدى فرصة لغول زيه ينهشك ليه؟ إحسبها صح تطالب صح يا مجاهد ... إعرف إن الزراعة من النقل و النقل منفد على الصحة و الصحة على التموين و التموين على الداخليه و الداخليه على البترول ... و كلهم غول يا مجاهد. غول يا خويا ... غول يا عينيا ... مالهمش فى الإقالة إلا من اللى خلقهم وزرا. ساعتها يقالوا و يقالوا ولا يقدر غول صغير يفتح بقه. قدم إستجواباتك يا أفندى يا اللى إسمك مجاهد ... تكلم فأنت ف قلب الغول، لا تخاف فلن تهضم حقوقك فلقد بلعها خلاص غيلان كثيرون ... فات وقت الهضم و راح ... تقدم بإستجوابك يا مجاهد و طالب بمعاقبة المسئول الحقيقى. طالب بإقالة المتسبب فى هذه الفضيحة و كل فضيحة ... لا تخشى نهشة غول بل قاوم ... ضع يدك على الدمل و إعصره من جذوره حتى نتخلص منه ... قدم طلب إحاطة لمجلس الشعب غصباً عن العين الحمرا لأى غول ... تطالب فيه بإقالة الشعب المصرى، حتى يقضى اللة أمراً كان، يلعن أبو سيباويه، "مفعول". فادى رمزى