#مطبخ_مروة يقدم: طريقة تنظيف المشروم الطازة

كتب بواسطة: مروة فرجانى في . القسم مطبخ مروة

 

جالى سؤال على صفحتى فى الفيس بوك عن طريقة تنظيف المشروم الطازة ...

مبدئياً المشروم ماينفعش يتغسل بالمية لأنه حيمتصها و طعمه هيروح ... و يبقى زيه زى المعلب بلا طعم و زى الكاوتش، إنما الطازة بيبقى طعمه جميل وواضح اوى فى السوتيه بالذات اكتر من أى صنف تانى.

بعد ما ننضفه نجيب طاسة وفيها مكعب زبدة و نشوح بس المشروم مع إضافة رشة ملح و فلفل أسود و بابريكا ... و نقلب كويس لحد ما يبدأ يستوى. ممكن يتاكل لوحده جنب الأكل بيبقى ممتاز لأنه قيمة غذائية مهمة جدا و عنصر للبروتين زيه زى اللحمة.

وممكن إضافة الخضار معاه زى الجزر و البروكلى والكوسة و يبقى طبق صحى جدا و مناسب للدايت كمان.

الفيديو التالى فيه طريقة سهلة لتنظيف المشروم كويس من غير مية و يارب تساعدكم وتبقى مفيدة لكم.

 

 

مروة فرجانى