بطلوا تشتموا فى #الشعب_المصرى بقى !!

كتب بواسطة: فيفيان ظريف في . القسم لا دين له

 

شعب تشوه!!  ... اه تشوه على ايد حكامة
لما فسدوا..
لما حولوا المجتمع استهلاكى مادى بسبب سياساتهم ..
لما استخدموا الدين والسلطة الدينية فى السيطرة عليه وتشويه مفاهيمه الدينية لمصالحهم..

لما جهلوه بسياستهم ..

لما فرقوه باستقطاباتهم ..
دا مسيحى،
دا مسلم،
دا شيعى،
دا اخوانى،
دا سلفى،
دول اعداء الاسلام،
دول اعداء الكنيسة،
دول بيئة،
دول ولاد ناس،
دا شعب ماتنفعش معاه الديموقراطية مالوش غير الكرباج..

 

لما سرقوه ،وعروه ،واهانوه، وسبوه، وذلوه ومرضوه
وبعدين على اخلاقه بيحاسبوه وهم اللى فسدوه

لما احطوا من قدره فى كل العالم..
لما رخصوا تمنه فى كل الدنيا..
لما وأدوا احلامه.. 
لما عيشوه فى اسفاف ...
لما هزموا شبابه...

نجحوا فى ان شوية #نخبة عاملين نفسهم شيك وكلاس ومثقفين وانضف من الباقيين واقفين على برج عالى ويشاوروا ويهللوا ويشوهوا ويقولوا بصوا شعب جاهل متخلف بيئة مناظر الناس بقت تقرف شعب تيييت وابن تييييت...

#النخبة_التييت_لا_دين_لها

فيفيان ظريف