أنا أفجرك؟ طب أفكرك

كتب بواسطة: مصرى في . القسم بوسطة

 

اوعى مره ف يوم تصدق انى عاوز افجرك!!!
طب افكرك؟؟

121013 article1 bostaفاكر الدمعه ف عينيك واحنا لسه صغيرين
اما يومها قالوا ليك قوم عشان ده درس دين


انت قولت لأ ده فصلى يبقى اسيبه ليه واصلى
افرق ايه ع الموجودين


كت حكايه وجه ابوك يومها غلبوا يفهموك
ان جنب الاسم خانه فيها شيء اسمه الديانه


لسه عاوز افكرك؟؟


كنا فين الصبح بدرى؟؟
كنا واقفين فى الطابور فين رغيفك من رغيفى
والله مادرى هى اصلا عجنه واحده للفطور


نفس جريك زيه بجرى
حتى اجرك هوه اجرى
بالحوافز والكسور


فين مشاكلك من مشاكلى
مانت شكلك زى شكلى


فين هدومك من هدومى
فين همومك من همومى


همنا واحد عمومى


واللى قارفنى فى يومى هوه نفسه مكدرك
لسه عاوز افكرك؟؟


اما قالوا الحاجه غليت
هيه نفس دمانا غليت


قومنا نشتم فى الحكومه
زاد صراخنا ويومها دوخنا

 

لما خدنا علقه سخنه
ضربه واحده بذاتها شومه


شئ جرحنى وعورك
لسه عاوز افكرك؟؟


كنا فين
من ساعه الا؟؟
فى المدرج محشورين


كلنا بنفس الفانله
اى مله واى دين


واما جت هجمه علينا
قومنا شبكنا ف ايدينا


وكل واحد قلبه طب
والقلق وحد كياننا
والتقينا فوق لساننا


دعوه واحده استر ياِرب

 

دكتور عادل عيد