#هالة_القاضى تكتب: ناس عجب عجيب العجاب

كتب بواسطة: هالة القاضى في . القسم انسانيات

 

لما تلاقي الانسان يعرفك علشان حاجات تخلص و بعدين يقولك سلامات لازم تعجب عجب العجيب العجاب

لما تلاقي الانسان يتجنبك لمجرد تفاهات و بعدين يقولك خد و هات....لازم تعجب عجب العجيب العجاب

لما تلاقي الناس كلها بقت ماسكات و بقيت تاية يا ترى انت الصح و لة اخرتها وجع و آهات لازم تعجب عجب العجيب العجاب

لما يبقى قانون الحياة فبركة على فزلكة على اجيال غريبة متفزلكة يبقى لازم تعجب عجب العجيب العجاب

لما حياتك كلها تبقى تمام و مرة واحدة تبقى تاية و مش عارف يا ترى كل الي فات دة وهم و خيال يبقى لازم تعجب عجب العجيب العجاب

لما تلاقي دنيتك جهل و ضياع و ناس بوشوش كتير من غير كسوف يبقى لازم تعجب عجب العجيب العجاب

لما يبقى سوء الظن باب و قلوب ميتة مفتاح يبقى لازم تعجب عجب العجيب العجاب

لما تلاقي وشوش كتير متجملة و من وراك غيبة و نميمة و اكل لحمك من سكات يبقى لازم تعجب عجب العجيب العجاب

لما تتصدم في ناس و يبقى عدى الوقت و فات يبقى لازم تعجب عجب العجيب العجاب

لما تبقى بتسعى لخير و ناس تحبطك و من عزيمتك تثبطك يبقى لازم تعجب عجب العجيب العجاب

لما تلاقي صراع وبركان على رزق مكتبولك من عند ربك يبقى لازم تعجب عجب العجيب العجاب

اسمع مني و شوف الحياة قصاقيص ورق و فيها العجب و الشاطر الي يعدي و يدعي و يقول يا رب ...

اصل الدنيا فيها كتير و المؤمن مبتلى فيا انسان ارمي حمولك على الي خلقك و قول يا رب ......

و افتكر ان ربك كريم مبينساش حد.

هالة القاضى